« Tri lisead ha tregont a zo e Diwan.

Tri ha tregont a istorioù, a zanevelloù, a gontadennoù, a goñchennoù savet ganto ha strollet amañ da heul.

Skridoù farsus, skrijus, melkonius, faltazius, kavet an danvez anezho forzh pegoulz, forzh pelec'h.

Beajoù berr, dorioù digoret ha serret ken prim all, rambreadennoù... ha taolioù-arnod anezho holl.

Plijadur o skrivañ, hag o vezañ lennet ivez, emichañs. »

Gwenole Bihanig, kelenner brezhoneg el lise.