Al lod vrasañ eus an anvioù-bihan brezhonek a zo keltiek hag anavezet a-raok ar bloavezh 1000. Ar re-se ne vezont ket troet er yezhoù all.

Al lodenn all, avat, a zeu eus ar Bibl, al Latin, ar Gresianeg pe ar Germaneg kozh hag o deus o far e yezhoù all Europa. E Gwirionez eo luzietoc'h c'hoazh rak anvioù zo a zo tremenet dre meur a yezh a-raok bezañ brezhonekaet. Un nebeut anezho a vez kavet en anvioù-lec'h (dister e-keñver a re geltiek).

Ur bern anezho a zo deuet da vezañ anvioù familh evel Herve, Tangi, Morvan, Konan, tra ma vez kavet anvioù-bihan implijet evel anvioù familh hepken en amzer a-vremañ : Brelivet, Kongar, Jaouen, ...

E-touez an anvioù kinniget amañ ez eus ur bern a gaver en anvioù-lec'h o kregiñ gant Plou, Tre, Lan, Lok, Gwi, Lez, Kastell, Sant, ... pe a-wechoù hep rakger ebet.

• Plou

  Ploermel, Plogoneg, Plouider, Plouyann, Plouzeniel, Plounerin, Plestin, Plouilio;

• Tre

  Tregaranteg, Trezeniel, Triagad

• Lan

  Lambaol, Landivizio, Landelo, Lanvaodez;

• Lok

  Lokmazhe, Lokmaria, Lokwenole, Lokmikael, Lokmalo, Lok-Envel, Lokemo, Lokireg;

• Gwi

  Gwiseni, Gwineventer;

• Ker

  Kerbernez, Keryann, Kerber, Kerherve, Kermorvan;

• Lez

  Lezneven;

• Kastell

  Kastell-Aodren, Kastell-Paol, Kastell-Briant;

• Sant

  Sant Jili, Sant Karadeg, Sant Brieg, Sant Malo, Sant Riwall ... ;

• Bourc'h

  Boulvriag;

• Krec'h

  Krec'h Elies;

• o unan

  Rieg, Brieg, Edern, Kast, Gwennou, Karanteg ...

En hol listenn ez eus ur steredenn e-tal pep anv plac'h.

Bez e c'hellit reiñ sikour dimp ma vank anv pe anv, pe e vefe ur fazi, mar plij.