Kervarker
 Abaoe 1995 Brezhoneg  ·  Français  ·  English  ·  Español  ·  Deutsch  
Kervarker
· Pennbajenn
· A-zivout

Geriadurioù
· Krennlavarioù
· Anvioù
· Favereau online

Lennegezh
· Danevelloù aes
· Dec'h e vo
· An huñvre dihun
· Da vezañ embannet...

Korn ar vugale
· Diwan Gwengamp 2000

Dec'h e vo
· Danevell 1
· Danevell 2
· Danevell 3
· Danevell 4
· Danevell 5
· Danevell 6
· Danevell 7
· Danevell 8
· Danevell 9
· Danevell 10
· Danevell 11
· Danevell 12
· Danevell 13
· Danevell 14
· Danevell 15
· Danevell 16
· Danevell 17
· Danevell 18
· Danevell 19
· Danevell 20
· Danevell 21
· Danevell 22
· Danevell 23
· Danevell 24
· Danevell 25
· Danevell 26
· Danevell 27
· Danevell 28
· Danevell 29
· Danevell 30
· Danevell 31
· Danevell 32
· Danevell 33

Danevell 4 (live Lennegezh lise)

An dastumerez blev

e brezhoneg aes

Skrid

Aaaaaaaa ! Heol 'zo hiziv.

Met... Met gwer eo !

Petra al laou a c'hoarvez gantañ ?

Klañv eo sur a-walc'h !

Ar wech kentañ eo din gwelet anezhañ gwer, ha me war ar penn-mañ abaoe dek devezh koulskoude ! Gwelet 'm eus bet anezhañ yac'h ha flamm 'barzh un oabl glas, kuzhet pe damguzhet gant koumoul gris o vont war zuaat, met biskoazh al laou n'em eus gwelet anezhañ gwer !

Ma ! Ne gomprenan ket re vat perak emañ er c'hiz-se, met gwelet 'vo diwezhatoc'h, gant labour 'maon evit bremañ. Ret eo din mont da ziwall ma vioù laou.

Hag ouzhpenn-se, n'on ket bet dihunet er mintin-mañ : unnek eur eo dija, ha me boas da vezañ dihunet war-dro seizh eur, gant ur strinkadenn domm, un tamm soavon da walc'hiñ din ma c'hein, hag ur pezh mell krib o tont da ziluziañ ar blev, ha da lakaat un tammig reuz em neizhiad laou, hag o laerezh un nebeud vioù diganin gwech ha gwech all.

Hiziv avat, netra eus ar jabadao-se ! Ha koulskoude, strewet eo bet va vioù laou e pep lec'h ! Petra al laou a zo c'hoarvezet 'pad an noz ?

Du e oa ar blev koulskoude ! Ha miliadoù a oa anezho ! Sell 'ta amañ reoù gell, reoù ruz, reoù gwenn, reoù melen ! N'eus ken 'met ur gizennad blev du ! Ha plañsonet ouzhpenn, gant ur guchennad velen hag unan ruz ! Met petra al laou eo an istor-se ?

Seul vui ez an war-raok, seul vui e seblant din en em goll en ur bed graet gant blev, plañsonennoù divuhez...

Poan 'm eus o kompren. War a seblant emaon war ur gourvezvank goloet a gizennadoù liesliv.

Ur SPONT ! Penaos al laou on-me en em gavet amañ ? Ha gant ur guchennad vlev hepken !

Mont a rin pelloc'h da welet.

Pelloc'h ! pelloc'h ! Ar pallenn-gwele an hini eo a zo graet gant kizennadoù ! Met petra al laou eo ar c'hiz nevez-se ?

Hag an heol ! Kompren a ran bremañ perak eo gwer. E gwirionez, emaon-me en ur gambr hep tamm prenestr ebet, hag ar pezh am eus me kemeret evit an heol a zo ul lamp gwer !

An arrebeuri a zo damdostik goloet-holl a gizennadoù.

Hag amañ, petra 'zo ? Un daol !

Un daol, warni ur berniad kuchennigoù blev, ur re sizailhoù, plañsonennoù kroget, damechuet,...

Tennañ a ra d'un daol dastumer-blev.

Hag en armel, du-se, e foñs ar gambr, petra 'zo ? Dilhad. Ya, dilhad evel-just. Met ispisial int memestra !

Pailhetezennoù e-leizh, livioù flamm, dilhad berr evit doare,...


« Aaaaaaaaaaaaaaaaaaah ! »

Met ! Met petra eo an trouz-se ? Ul laouenn all !

Lavar din, displeg din 'ta, petra emaon-me oc'h ober amañ ?
« Amañ emaout e kambr ur c'hast hag a droc'h ur guchennad vlev da bep kliant ! »

An dastumerez blev
· Skrid