Kervarker
 Abaoe 1995 Brezhoneg  ·  Français  ·  English  ·  Español  ·  Deutsch  
Kervarker
· Pennbajenn
· A-zivout

Geriadurioù
· Krennlavarioù
· Anvioù
· Favereau online

Lennegezh
· Danevelloù aes
· Dec'h e vo
· An huñvre dihun
· Da vezañ embannet...

Korn ar vugale
· Diwan Gwengamp 2000

Komzit !

Un dibab lavaroù ha krennlavaroù brezhonek

Choix d'expressions et proverbes bretons

T-Y

Tamm

  1. An tamm hag al lomm
    A zalc'h an den en e blomm.

     
  2. Al lomm hep an tamm
    A lak an den da gaout lamm.

     
  3. An tamm hep al lomm
    A chom war ar galon evel plomm.

    sellout ouzh : boued
     
  4. Tamm ha tamm
    E oa graet e vragoù da Yann
    (Tammig ha tammig ... da Yannig)
    (Tammoù ha tammoù ... da Yannou)

    sellout ouzh : a van da van
     
  5. Da heul Yann e teu e damm.
    A la suite de Yann vient sa nourriture.

     

Tan

  1. Tan ha dour ha bara sec'h
    A vez kavet e pep lec'h.

     
  2. An tan a zegas levenez
    Ha pa ve en eost e vefe.

     
  3. Pa vez an tan en askorn bras
    An hini bihan a vez wazh.

     

Tapout

  1. Foar an arigrap:
    Neb a dap a dap
    Neb a skrab a skrab.

     
  2. Ordinal e vez tapet an den diwar-bouez e deod.

     

Teod

  1. Teod hir, dorn berr.

     
  2. Neb a zo lemm e deod
    A dle bezañ kalet e skouarn.

     
  3. Teod ar c'hi zo medisin
    Teod ar c'hazh zo ampoezon.

     
  4. Teod ar c'hi zo medisinour
    Teod ar c'hazh zo treitour.

     
  5. Ar gwall deodoù zo gwashoc'h evit an Ankou
    Ar gwall deodoù a lak lazhañ
    Hag an Ankou ne ra ken met kas gantañ.

     
  6. A-raok komz grit nav zro
    Gant ho teod en ho kenou!

     

Termal

  1. Term-term a ya da gozh.

    sellout ouzh : klemm
     
  2. Term bemdez, ha bev da viken.

     

Terriñ

  1. Ret eo terriñ ar graoñenn
    Evit kaout ar vouedenn.

     

Ti

  1. Un ti mat zo gwelloc'h evit kalz a barkoù.

     
  2. Gwelloc'h un ti bihan bouedek
    Eget un ti bras hag avelek ( pe Eget ur park bras avelek.

     
  3. Tiez savet gant krec'hin tud
    A saver ken buan, ken divrud.

     
  4. An hini a deuk en ul lec'h en devez c'hoant da sevel eno e di.

     

Tomm, tommañ

  1. Un dommadenn
    A ya gant ur fourradenn.

     
  2. Kant bloavezh tommañ a ya gant ur gaouad avel.

     
  3. Tomm an heol, glav a ra:
    Poent eo mont da blac'heta.

     
  4. N'eo ket un devezh tomm a ra an hañv.

     

Tost

  1. Tost ne dap ket,
    Berr ne skoulm ket.

     
  2. An tostañ d'an tan a domm da gentañ.

     

Tra

  1. Dister eo an dra ma ne dalv ket goulenn anezhañ.

     

Tre

  1. Etre an tre hag al lanv
    E c'hall pep hini skrivañ e anv.

     

Tremen

  1. E-lec'h ma'z eus tremen
    Ez eus hent pe wenodenn

     
  2. Tremen pa vez, ha tremen pa ne vez ket
    A zo tremen bepred.

     
  3. Tremen pa vez
    Ha tremen pa ne vez
    Ha tremen ordinal zo re.

    sellout ouzh : amzer
    sellout ouzh : yun
     
  4. Pa vez tremenet an eur n'eus eur ebet ken.

     

Tri

  1. E-lec'h ma vez tri
    E vez toull an ti.

     

Trist

  1. Tristañ daou dra zo er bed:
    Koll ar gweled hag ar c'herzhed.

     

Troad

  1. Pa lez an den lakaat un troad war e c'houzoug e vez laket daou.

     

Trubuilh

  1. An trubuilh ne varv den ebet gantañ

     

Truez

  1. Truez zo marv, karantez zo interet.

     
  2. Truez hep sikour a ra nebeud a vad.

     
  3. Truez na ziverr mann.

     

Trugarez

  1. Laret e vez trugarez d'ar c'hi
    Ha bennozh Doue da vestr an ti.

     

Tud

  1. Forzh tud, fall sikour.

     

Unan

  1. Unan, daou, tri:
    Chao pa gari! (e penn kentañ ur redadeg)

     

Urcher

  1. Urcher hag archer, den n'o c'har war an douar.

     

Vi

  1. Eus vi torret da alumenn
    Ne zigloro labous biken.

     

Yac'h

  1. Yac'h ha dibistik
    Ha c'hoant c'hoari un tammig.

     

Yann

  1. Yannig 'falla bemdez
    Falloc'h arc'hoazh evit hirie.

     
  2. Pep Yann a anavez (pe zo boaz ouzh) e Gatell.

     

Yaou

  1. Ar yaou
    An deiz diwezhañ nemet daou.

     

Yaouank

  1. An dud yaouank a gav gante
    E kouezh an aour eus beg ar gwez.

     
  2. Keit ha ma vezer yaouank eo goro ar c'havr
    Ha pa vezer kozh evañ al laezh.

     

Yar

  1. Dre o beg e tev (dozv) ar yer..

     
  2. Ar yer a zebr aour hag a gac'h arc'hant.

     
  3. Diouzh ar yar gozh e vez gwerzhet ar polizi.

     
  4. Ur yar pa he devez dozvet a zo ret dezhi kanañ.

     
  5. Dibaot ar yar na goll he vi
    O kanañ re goude dozviñ.

     

Yec'hed

  1. Anez ar yec'hed n'eus netra.

     
  2. Pemp munud (pe un eurvezh) yec'hed
    A ra vad d'un den klañv.

     
  3. Yec'hed deomp holl
    Hemañ zo vont da goll.

     
  4. Yec'hed deomp tout
    Hemañ zo 'vont en e roud.

     
  5. An hik
    Yec'hed da vihanik
    Ha da gozhik (pe da vrazik) marv-mik.

     

Yen

  1. Yenañ tra zo en ti:
    Pennoù daoulin an ozhac'h ha fri ar c'hi.
    (pe ... revr ar c'hazh ha fri ar c'hi )

     

Yezh

  1. Pep hini yezh e vro.

     

Yod

  1. Pa verv ar yod e toull ar vazh
    E lar ar merc'hed e vez poazh.

    sellout ouzh : louf
     
  2. Pa vez re domm ar yod
    E skaot.

     

Yun

  1. Yun pa vez, ha yun pa ne vez ket
    A zo yun bepred.

    sellout ouzh : tremen
     
Un dibab lavaroù ha krennlavaroù brezhonek
· Rakskrid
· A
· B
· C-D
· E-F
· G-I
· K
· L
· M
· N-P
· R-S
· T-Y
· Da lenn