Kae

1. Ur c'hae-spern a ya da dri bloaz,
   Tri oad-kae, oad ki,
   Ti oad ki, oad marc'h,
   Tri oad marc'h, oad den,
   Tri oad den, oad moualc'h beg melen,
   Tri oad an den e chom ar voualc'h er c'hoad,
   Nemet er goañv e ve re yen.
   
    

Kaer

1. Ar c'haerañ charretour a ziskar e garr.
   
    
2. Emañ en e gaerañ
   Evel Yann o vont da graoña.
   
    

Kafe

1. Kafe bervet, kafe lazhet.
   
    
2. Ar c'hafe du hag ar gwin gwenn
   A ra d'ar merc'hed koll o fenn.
   
    

Kalon

1. Kalon yac'h a rank debriñ.
   
    

Kalvez

1. Dibaot ar c'halvez
   A labour hep danvez.
   
    

Kamm

1. Kamm ki pagar.
   
   sellout ouzh : kazeg
    

Kammed

1. Kammed ha kammed
   E reer tro ar bed.
   
    
2. Gant ar c'hammed kentañ
   E krog ar veaj hirañ.
   
    

Kan

1. Na ganit ket ken abred diouzh ar beure
   Betegouzout e c'hwibanfec'h emberr.
   
    

Kanevedenn

1. Kanevedenn diouzh an noz
   Glav pe avel antronoz.
   
    
2. Kanevedenn diouzh ar mintin
   Sin vat d'ar pirc'hirin.
   
    
3. Kanevedennig troc'het e vi
   Ha banne glav ebet ne daoli.
   
    

Kaoc'h

1. Kaoc'h ha dour
   Zo mat d'ar pour.
   
   sellout ouzh : debriñ
    

Kaol

1. Ret eo gortoz ar c'haol da boac'hat (=da boazhañ
   Pa vez c'hoant d'ober soubenn vat.
   
    

Kaoter

1. Klev ar gaoter o sarmon d'ar pod-houarn!
   
    

Kaout

1. An hini en deus, en deus, ( pe a lip e weuz)
   Hag an hini n'en deus ket a sell a-dreuz
   Ha labour sellet en deus.
   
    
2. An hini en deus madoù hag a ro
   En deus mignoned e pep bro.
   An hini en deus madoù ha ne ro ket
   N'en deus mignon ebet.
   
    
3. Evit kaout e ranker goulenn.
   
    

Kaozeal

1. Hennezh a oar kaozeal ken brav
   Ma tennfe laezh gant un tarv.
   
    

Karantez

1. Gwelloc'h karantez leizh an dorn
   Eget arc'hant leizh ar forn.
   
    
2. Gwelloc'h karantez etre daou
   Eget madoù leizh ar c'hraou (pe Eget na eo...)
   
    
3. Karantez dost, karantez laosk
   Karantez bell, karantez well.
   
    
4. Dousoù e pep lec'h
   Karantez e nep lec'h.
   
    
5. Gant karantez zo plijadur
   Ha gant madoù tamalladur.
   
    
6. Ar vleunienn a dro a-wechigoù
   Karantez plac'h a dro atav.
   
    
7. Ar garantez oc'h en em gaout
   An ibil kig o vont er faout.
   
    
8. Karantez c'hoar
   Breur na oar.
   
    

Karout

1. Karout hep bezañ karet
   A zo kriz ha kalet.
   
    
2. Karet ar merc'hed hag ar gwin
   A denn peurvuiañ da wall fin.
   
    
3. Karout kened ne bad ket pell
   Karout onestiz a zo gwell.
   
    

Karr

1. Karrig a dro
   A denn bro
   Karrig a red
   Ne bad ket.
   
   sellout ouzh : rod
    
2. Karr 'uz maen, maen 'uz karr
   
   sellout ouzh : falz
    
3. Pa vez aet (pe troc'holiet) ar c'harr en douflez e weler an hent mat.
   
    

Kartoù

1. Karo,
   An hini n'en deus ket a laro.
   
    
2. Keur,
   Seurt n'em eus ket nemeur.
   
    

Kastell

1. Kastilli a-ziabell
   O deus tourioù uhel.
   
    

Kazeg

1. Ur gazeg kamm a ya pell.
   
    
2. Dreist moue ar gazeg kozh e vez kabestret an ebeulez.
   
    
3. Pa vez lavaret " hei! " d'ar gazeg wenn
   E vez lavaret d'an harnez penn-da-benn.
   
   sellout ouzh : saout
    
4. N'eo ket ar c'hezeg bras
   A gas ar c'herc'h d'ar marc'had.
   
    

Kazh

1. Pa vez moan ar gazhez
   E vez sur eus he bloavezh.
   
   sellout ouzh : ki
    
2. P'en devez un den ur c'hazh da foetañ, koulz eo e foetañ diouzhtu.
   
    
3. Kazh maneget n'eo ket mat da logota.
   
    
4. Kazhig a vale a lip e bav
   An hini a chom e-kichen an tan
   A chom da viaoual gant an naon.
   
    
5. Pa vez ar c'hazh tost d'al laezh e oar lipat an dienn.
   
    
6. Ur c'hozh kazh a gar logod yaouank.
   
    
7. Pa zeu ar c'hizhier d'an haleg
   Echu d'ar goañv kalet.
   
    

Kelc'h

1. Kelc'h a-bell barrad a-dost
   Kelc'h a-dost barrad a-bell.
   
    

Kelien

1. Kelien ha merien
   Menec'h ha beleien
   Pevar seurt loened
   Ar gwashañ zo er bed.
   
    

Keloù

1. En tiez-forn hag er govelioù (pe er stankoù, er stalioù)
   E vez klevet ar c'heloioù.
   
    

Kemener

1. Ur c'hemener n'eo ket un den
   Kemener eo, ha netra ken.
   
    
2. Kemenerien omp tout
   Met an tailh a zoug.
   
    

Kemm

1. An hini a gemm e bar
   A zimez a-benn pa gar.
   
    

Kenavo

1. Kenavo evit an deizioù
   Ha yec'hed d'ho kostezioù.
   
    

Ker

1. Pa vez ker al ler
   E c'hoarzh ar botaouer.
   
    
2. Pa vez ker ar bleud
   E vez kezeg treut.
   
    
3. N'eo ket ar c'herañ eo ar gwellañ.
   
    

Kerc'h

1. Ar c'herc'h pa ziwano
   E vo devet o beg dezho.
   
    
2. Pa'z a ur gerc'henn gant ar riv
   En he lerc'h e tiwan div
   (pe: An hini a chom a dalv div).
   
    
3. N'eo ket ar c'herc'h ar muiañ gonezet an hini a ra ar muiañ a vad d'ar marc'h.
   
    

Kerc'heiz

1. Kerc'heiz a lez pesk bihan
   A zebr melc'hwedenn d'he c'hoan
   
    

Kerse

1. Kerse
   Ne zeu nemet goude.
   
    

Keuneud

1. Seul vui a geuneud seul vrasoc'h an tantad.
   
    
2. Muiañ keuneud, brasañ tantad.
   
    
3. Keuneudenn sec'h,
   An neb a vir a gev ( = a gav).
   
    
4. Diouzh ar c'heuneud e vez graet an tan
   
    

Keuz

1. Ar c'heuz zo war-lerc'h.
   
    
2. Keuz a-raok ne vez ket
   Keuz war-lerc'h ne dalv ket.
   
    

Kevnid

1. Ur gevnidenn diouzh ar mintin
   Sin a wall fin
   Ur gevnidenn diouzh an noz
   Sin a geloù mat antronoz
   
    

Ki

1. Pep ki
   Zo mestr en e di.
   
    
2. Hardizh ki
   En e di.
   
    
3. A-benn neuze hag ac'hanen di
   En devo harzhet meur a gi.
   
    
4. Da bep seurt oad
   E red ar c'hi war-lerc'h ar c'had.
   
    
5. Diwar gi, ki; diwar gazh, kazh;
   Diwar logodenn ne vez ket a razh.
   
   sellout ouzh : kamm
    
6. Ki (pe kazh) skaotet
   En deus aon (pe a dec'h) rak dour bervet.
   
    
7. E-lec'h ma staot ur c'hi
   E staot daou pe dri.
   
    
8. Ki besk ha kazh diskouarnet
   N'int mat nemet da zebriñ boued.
   
    
9. Dre forzh heskinat (pe hegañ) ar c'hi e teu da vezañ droug.
   
    
10. Ur c'hi meret, hanter savet
    Ur c'hazh meret, hanter lazhet.
    
     
11. Tri bloaz o tont da gi, tri bloaz ki, tri bloaz o vont er-maez a gi.
    
     
12. Harzhal gant ar c'hi, yudal gant ar bleiz
    Ha komz brezhoneg e Breizh.
    
     

Kig

1. Un tamm kig dindan e veud
   A laka an den en e vleud.
   
    
2. Pep hini a zougo e gig.
   
    
3. Ar c'hig-penn hag ar c'hig-revr a wella buan.
   
    

Kiger

1. Gwelloc'h bezañ kiger eget bezañ leue.
   
    

Klañv

1. Klañv hep glac'har
   Kamm ki pa gar.
   
   sellout ouzh : ki
    
2. Primoc'h e klañvaer eget na wellaer.
   
    

Klask

1. Ar c'hlask a zo frank
   Ar c'havout n'eo ket stank.
   
    
2. Arabat klask vioù fresk e neizhioù warlene.
   
    

Klemm

1. Klemm-klemm a ya da gozh.
   
   sellout ouzh : termal
    

Klevet

1. Kant kleved
   Ne dalvont ket ur gweled.
   
    
2. Klevet ha gwelet a zo daou (pe: n'int ket ur c'hement).
   
    

Kloareg

1. Evañ gwin ha kañjoliñ merc'hed
   Setu kefridi (pe dever)ar c'hloareg.
   
    

Koad

1. Gant bep seurt koad e vez graet loaioù
   Gant bep seurt kig e vez graet Mallarjez.
   
    

Koant

1. Te zo koant
   Evel lost ar c'hi e bant.
   
    

Kof

1. Gwelloc'h eo kof da freuzañ evit boued da venel.
   
   sellout ouzh : boued
    

Koll

1. Pa vez tro da goll
   Eo gwell hanter eget holl.
   
    
2. An hini na vrok netra
   Na koll na gounit ne ra.
   
   sellout ouzh : ober
    
3. Koll
   A ro skiant d'ar foll.
   
    

Komz

1. Ma talv va c'homz ur pezh arc'hant
   Chom sioul a dalv ouzhpenn ur c'hant.
   
   sellout ouzh : kaozeal
    

Kontañ

1. Tennañ a ra koñchoù born
   Eus e gelorn.
   
    

Kordenn

1. Kordenn a dri gor a vec'h a dorrer.
   
    

Korf

1. Korf a c'hounez, korf a foet
   N'en devez ezhomm yalc'h ebet.
   
    
2. Ur c'horf erbedet n'a ken met peder eur warn ugent hiroc'h evit unan all.
   
    

Kouez

1. Kouez al loudourenn
   Pa vez sec'h a vez gwenn.
   
    

Kouilhourenn

1. Pep kouilhourenn
   A gav mat he c'heusteurenn.
   
    

Koukoug

1. Ar goukoug pa n'eo ket deuet da Bask
   Poent mont d'he c'hlask.
   
    
2. N'eo ket ganet gant e vamm
   An hini en deus klevet ar goukou o kanañ
   Nav devezh goude Gouel Yann.
   
    
3. Gaouiatañ den a zo en ti a glev ar goukoug da gentañ.
   
    

Kousket

1. Ar c'housket zo hanter voued.
   
    
2. Kousket ha leinañ a zo memes tra.
   
    

Kozh

1. N'a ket da gozh
   An hini ne laosk ket avel eus e gof.
   
    

Krampouezh

1. Krampouezh gwinizh ha laezh-tro
   Matañ traoù a zo er vro.
   
    
2. Ne vo ket bras lod pep hini
   Hemañ zo vel ur grampouezhenn etre nav c'hi.
   
    

Kreisteiz

1. Kreisteiz,
   Hanter an deiz,
   Hanter ar voued
   Hanter al labour n'eo ket.
   
    

Kriz

1. Hanter kri(z) ha poazh
   Mat-bras,
   Hanter poazh ha kri(z)
   Mat da zebriñ.
   
    

Kuzul

1. Kuzul gwreg hag heol abred
   Gwech e vezont mat, gwech ne vezont ket.