Nebeud

1. Nebeud ha nebeud
   Hinkin a ra neud.
   
   sellout ouzh : a van
   sellout ouzh : tamm
    
2. An eil nebeut a gresk egile.
   
    
3. Nebeud a ra vad.
   
    
4. A nebeud-da nebeud
   Ez a da ludu ar bern keuneud
   
    

Nedeleg

1. Da Nedeleg
   E astenn an deiz paz ur c'hefeleg
   D'an deiz kentañ'r bloaz
   Paz ur waz
   Da Ouel ar rouaned
   Paz ul leue.
   
    
2. Kelien (pe c'hwibu) da Nedeleg, skorn da Bask.
   
    
3. Nedeleg ha Gouel Yann
   A lak ar bloaz etre div rann.
   
    

Neud

1. An neudenn eeun eo ar wellañ.
   
    

Neuial, neuiñ

1. Hennezh a oar neuial evel ur c'hi plom
   E-lec'h ma kouezh e chom.
   
   sellout ouzh : ret
    

Noz

1. En noz e kemerer ar silioù
   Dale a ra vat a-wechoù.
   
    

Oad

1. Da bep oad
   E vez pilet koad.
   
   sellout ouzh : ki
    

Oan

1. Gra da oan hag e vi touzet (pe kignet).
   
    
2. Ker stank emañ er marc'had
   Kroc'hen an oan ha kroc'hen an dañvad.
   
   sellout ouzh : dañvad
    

Oaz

1. Par d'an oaz
   N'eus ket c'hoazh.
   
    

Ober

1. Anez ober, prezeg aner
   Kentañ prezeg a zo ober.
   
    
2. Gwelloc'h un oberer
   Eget kant lavarer.
   
    
3. An hini na ra netra
   Na koll na gounit ne ra.
   
   sellout ouzh : koll
    
4. An hini a ra re
   A ra re nebeud goude.
   
    
5. Diouzh ma ri e kavi.
   
    
6. Diouzh an ober e kaver.
   
    

Paour

1. Kas ar paour da baour zo diaes.
   
    
2. Ar paour pa binvidika
   Gant an diaoul ez a.
   
   sellout ouzh : marv
    
3. Paourik pa binvidika
   Gwashoc'h evit an diaoul ez a.
   
    
4. En holl d'an holl
   An dud paour eo a goll.
   
    
5. Aesoc'h eo derc'hel e renk d'ur paour eget d'ur pinvidig.
   
    
6. Gwell eo bezañ paour
   Eget staget gant ur chadenn aour.
   
    
7. Paour pe binvidik
   Pep hini a rank dizourañ e gig.
   
    
8. Ret eo d'an eil paour sikour egile.
   
    
9. An hini zo paour a rank malañ munut.
   
    

Pardon

1. Echu ar pardon, ankouaet ar sant.
   
    
2. Pardon Pichibon:
   Tri o tañsal, pevar o son.
   
    

Pasianted

1. Gant pasianted hag amzer
   A-benn eus pep tra e teuer.
   
   sellout ouzh : amzer
    

Pask

1. Dont Pask er poent ma karo
   Mouilc'hi bihan en em savo.
   
    

Patatez

1. Patatez ha kig sall
   N'eo ket ur meuz fall.
   
    
2. Patatez ha laezh
   A ra vad da galon gaezh.
   
    
3. Patatez ha laezh
   D'ar beorien gaezh
   Patatez ha kig
   D'an dud pinvidik.
   
    

Paz

1. Bezañ en deus ar paz hag ar sifern
   Hag ar strak-revr tout a-vern.
   
    

Pebrenn

1. Pebrenn, pebrennig
   Lemm he beg evel spilhennig.
   
    

Pec'hed

1. Ar pec'hed a lez en ober
   Bara poazh a lez en debriñ
   Ar merc'hed koant a lez pokat dezho
   Hag ar re vil a ra ivez.
   
    

Pediñ

1. Dre bediñ hag erbediñ
   E vez graet ar gefridi.
   
    

Penn

1. Pep hini en deus e benn
   Pa rank en dougen.
   
    

Pennher (-ez)

1. Ur bennhêrez ha pa vez fall
   A dalv kant skoed war un all.
   
    
2. Ur pennhêr hag ur bennhêrez
   A ra alies gwall diegezh.
   
    

Perzh

1. An traoù na zeuont ket a-berzh mat
   N'eont ket da bennvat (pe ne reont ket tro vat).
   
    

Pesk

1. Ar pesked a ya da heul o boued.
   
    

Petra

1. Petra zo da lein?
   Lost ar c'hi brein.
   Petra zo da goan?
   Lost ar c'hi moan.
   
    
2. Petra zo da goan?
   Bouzellenn voan.
   
    
3. Petra zo da lein?
   Treid silioù ha divskouarn kelien.
   
    

Pezh

1. Aet ar pezh er faout
   Ha takenn ebet da gaout.
   
    

Pig

1. Pig pe vran a gan.
   
    
2. Etre unnek eur ha kreisteiz
   E sav ar big diwar he neizh.
   
    

Pilhoù

1. Pilhenn a gav truilhenn
   Er c'harzh pe e-kichen.
   
    
2. N'eus pilhenn
   Na gav truilhenn
   Na plas d'hec'h astenn.
   
    

Pinvidik

1. Evit diforc'hiñ pinvidik diouzh paour
   N'eus nemet arc'hant hag aour.
   
    
2. Pinvidik on koulz ha nikun
   Pa'z on kontant ouzh va fortun.
   
    
3. Ar pinvidig zo gwiridik.
   
    

Plac'h

1. Plac'h tonius, paotr brokus.
   
    
2. Ur plac'h skañv ha rederez
   N'eo ket mat da sevel tiegezh.
   
    

Plant

1. Aezetoc'h plegañ ur blantenn evit ur wezenn.
   
    

Plijout

1. Evit plijout d'an holl
   Eo ret bezañ fur ha foll.
   
    

Poan

1. Gant ar boan hag an amzer
   A-benn pep tra e teuer.
   
    
2. Neb na lak ket e boan hag e aked
   N'en devezo na madoù na boued.
   
    
3. N'eus poan aes ebet.
   
    
4. Poan ar re all zo skañv (pe: aes) da zougen.
   
    
5. Poan an eil ne wella ket poan egile.
   
    
6. Pa vez ar boan en he gwashañ
   E vez dare ar gor da ziskargañ.
   
    
7. C'hwi zo ampalaeret-fall:
   Pa vez ket poan en ur penn e vez poan er penn all.
   
    
8. Diwar boan e teu ur mad bennak.
   
    
9. Nag a boan
   Etre merenn ha koan.
   
   sellout ouzh : doue
    

Poaniañ

1. A-bouez poaniañ
   E c'haller en em dennañ.
   
    
2. Poagn ganin: me az pevo!
   Diwall razon: me az peuzo (eme ar mor d'ar moraer).
   
    

Pod

1. Ken alies e ya ar pod d'ar feunteun ken e vez torret.
   
    
2. E-barzh ar podoù kozh e vez graet ar gwellañ soubenn.
   
    

Pont

1. Pa vezer war bont Landerne
   Ne vezer nag e Leon nag e Kerne
   (pe ...emañ ar fri e Leon hag ar revr e Kerne).