Bailh

1. An hini n'eo ket bailh en e benn a zo bailh en e revr.
   
    

Bank

1. Ar bank en tan ne lakaer ket
   Dre ma vez an alc'hwez kollet.
   
    

Bara

1. Ar gwellañ bara da zebriñ
   A vez gounezet o c'hwezhiñ.
   
    
2. Pep hini a ya da heul e vara.
   
    
3. Gwelloc'h un dorzh vara war an daol
   Eget melezour ouzh ar prenestr.
   
    
4. Bara chaoket zo aes da lonkañ.
   
    

Barnañ

1. Arabat barnañ re vuan
   Gant aon d'en em varnañ e-unan (bet klevet e Pontrev).
   
    

Bazh

1. Pep bazh he deus daou benn
   
    
2. E-keit ma vi en da sav
   E kavi bazh d'en em harpañ.
   
    

Bec'h

1. Brav a-walc'h eo larout pa vezer pell diouzh ar bec'h
   Berroc'h e vez an teod pa vezer war al lec'h.
   
    

Bed

1. Ar bed zo e krap
   An neb a dap a dap
   An neb na dap ket a skrap.
   
   sellout ouzh : beg
   sellout ouzh : tapout
    
2. Tra ma vo daou zen war ar bed
   Ar jalouzi a reno bepred.
   
    
3. Evel-se emañ ar bed
   A-dreuz hag a-hed.
   
    

Beg

1. Tri zra a lak ar bed da vont
   Beg ar soc'h, beg ar vronn
   Ha beg an ibil pa vez sonn
   
    
2. Tri beg zo o souten ar bed
   Beg ar vronn, beg ar soc'h
   Hag ar beg all evel ma ouzoc'h.
   
    
3. Beg ar soc'h, beg ar vronn
   Gant an daou e vevomp.
   
    
4. Dre he beg e tozv ar yar.
   
    
5. Re ziwezhat eo da harz
   Pa vez aet ar beg e-barzh.
   
    

Beleg

1. Ar veleien ne garont ket
   Bezañ distroet eus o fred.
   
    

Bern

1. Bern n'eo ket mammenn.
   
    
2. An hini a vez war ar bern ne vank mann ebet dezhañ.
   
    

Berzh

1. Pa vez c'hoant ober berzh
   Gwelloc'h ijin eget nerzh.
   
   sellout ouzh : ijin
    

Bevañ

1. E-lec'h ma vez tri c'hant den o vevañ
   E vez atav unan o kleñvel pe o pareañ.
   
    
2. Mat eo bevañ pell
   Bevañ mat avat zo gwell.
   
    

Bezañ

1. Bezañ ha bezañ bet
   N'int ket ur c'hement.
   
   sellout ouzh : gallout
    

Bili

1. Bili war ziribin
   Ne zastumont ket a vezhin.
   
    

Blaz

1. Da bep hini e vlaz,
   Logod d'ar c'hazh,
   Eskern d'ar chas.
   
    

Bleiz

1. Pa vez komzet eus ar bleiz e vez gwelet e lost,
   Pe a dost.
   
    
2. Hennezh zo evel ar bleiz
   Kontant da gaout kuit da reiñ.
   
    
3. Evit reizhañ ar bleizi
   Ez eo ret o dimeziñ.
   
    
4. Da heul ar bleiz ned a ket an oan.
   
    

Bleud

1. Bleud an diaoul a ya da vrenn.
   
    

Blev

1. Blev gwenn ha lunedoù
   Ne blijont ket d'ar merc'hedoù.
   
    
2. N'eo ket blev melen ha koantiri
   A laka ar pod da virviñ.
   
    

Born

1. Ar born bihan a c'hounezo
   Pe war e revr en devo.
   
    

Botez, botoù

1. N'eus ket ur gozh votez
   Ha ne gav ket he farez.
   
    
2. An hini a ya gant e votoù war an ed
   A ya diarc'hen da glask e voued.
   
    

Boued

1. Gwelloc'h eo boued da venel evit kof da freuzañ.
   
    

Brallañ

1. Ouzh an tu ma vrall ar wezenn e rank kouezhañ.
   
    

Bramm

1. Bramm lous
   Ne ra ket trouz.
   
    
2. Ar bramm a ra mezh,
   Al louf a ra c'hwez.
   
    
3. Bramm kurun, sin glav kaoc'h.
   
    

Bras

1. A re vras ne reont ket toud al labour.
   
    

Brezhoneg

1. Ar brezhoneg hag ar feiz
   Zo breur ha c'hoar e Breizh.
   
    
2. Hep brezhoneg Breizh ebet.
   
   sellout ouzh : ki
    

Bro

1. Kant bro kant giz
   Kant parrez kant iliz
   Kant plac'h kant hiviz.
   
    
2. Pep bro he deus he giz
   Ha pep plac'h he hivizh.
   
   sellout ouzh : aotrou
   sellout ouzh : rod
    

Broc'h

1. Ar broc'h a doull an douar
   Hag Alanig a grog er yar.
   
    

Brud

1. Brud fall a ya betek (pe dreist ) ar mor,
   Brud vat a chom e toull an nor.
   
    
2. Gwell eo brud vat da bep hini
   Eget aour melen leizh an ti.
   
    
3. Gwashoc'h eo ar vrud tapet
   Evit ur si skoachet.
   
    

Brumenn

1. Brumenn vor
   Tommder en gor.
   
    
2. Brum diwar ar mor
   Heol tomm ken e c'hor (pe: ken e faout an nor).
   
    
3. Brum diwar ar c'hoad,
   Glav ken e strak.
   
    

Buan

1. An hini a ya buan a ya pell
   Met an hini a zalc'h da vont a ra gwell.
   
    

Bugale (bugel)

1. Ar vugale savet garv a zeu d'ober tud.
   
    
2. Ar vugale a vez graet o zid outo a vez hekoc'h evit ar re all.
   
    
3. Bugale gaezh
   Dour n'eo ket laezh
   Piz n'eo ket fav
   Bezañ pilet n'eo ket brav.
   
    
4. Bugale vihan, poanioù bihan
   Bugale vras, poanioù bras
   
    

Buhez

1. Ar vuhez vat a bad atav
   Ar vuhez fall a baouezo.
   
    
2. Ar vuhez hirañ zo c'hoazh berr
   Ar bec'h skañvañ c'hoazh ponner.
   
    

Breur

1. Ma breudeur ha ma c'hoarezed kristen
   Sellit ouzh ma c'hof ha grit pinijenn.
   
    

Buoc'h

1. Pa larer hei! d'ar vuoc'h a ya a-raok
   Hel larer da doud ar vandenn.
   
   sellout ouzh : kazeg
    
2. Diouzh he dent e vez goroet ar vuoc'h.
   
    
3. Petra servij kaout ur vuoc'h vat
   Ma skuilh he laezh gant un taol troad?
   
    

Buzhug

1. Ar vuzhugenn
   Betek tri-ugent
   Ar rann
   Betek hanter-kant