Mab

1. Mab e dad eo ar C'hadiou
   Pe a vent pe a liv.
   
    
2. Mab diouzh tad.
   
    

Mad (-où)

1. Madoù a zeu, madoù a ya,
   Evel moged, evel pep tra.
   
    
2. Madoù a zeu, madoù a ya
   Karantez morse ne guita.
   
    
3. Madoù a ya gant dour ar stêr
   Ar garantez a chom er gêr
   
    
4. Ar madoù a zeu dre un hent fall
   A zo diaes meurbet da ziwall
   
    
5. Madoù dilaosket zo d'an holl.
   
    
6. An hini en deus c'hoant da zastum madoù
   Pa vo krog an tan, lazhet ar gouloù.
   
    

Madelezh

1. Gwell eo madelezh evit braventez (pe evit koantiri).
   
    

Malarjez

1. Gwell un tamm bemdez
   Eget re da Valarjez.
   
    
2. Malarjez e toull an nor, Pask e-tal an tan.
   
    
3. Malarjez, Malarjez
   Me garje vije bemdez
   An eost div wech ar bloaz
   Ha Gouel Mikael bep seizh vloaz.
   
    

Mallozh

1. Doue d'az pendraouilho
   Eus an eil moger d'eben
   Ken e vi erru war ar plaen (gerioù mallozh fentus) SV 45
   
    

Mamm

1. An hini en deus mamm
   En deus tamm.
   
    
2. Ar vamm da gentañ, ar verc'h da c'houde.
   
    

Manac'h

1. Pep manac'h
   A bed (pe a gomz) evit e sac'h.
   
    
2. Reizhenn manac'h a zo tennañ
   Digant an holl hep reiñ netra.
   
    

Mann

1. Re a vann (pe re a netra)
   Ne dalv mann.
   
    
2. Mann da vann
   Ne dalv mann.
   
    

Marc'h

1. Arabat klask kaout ar marc'h hag an arc'hant.
   
    
2. Arabat mont primoc'h eget ar marc'h hon doug.
   
    
3. N'eo ket diouzh ar vent e vez prenet ar marc'h.
   
    
4. Meur a varc'h mat zo marvet o vont adarre.
   
    
5. " Deomp adarre " en deus lazhet meur a varc'h (da respont da unan en deus lavaret " Deomp adarre ").
   
    
6. N'eo ket ar marc'h a c'hounez e gerc'h
   A zebr anezho bep gwech.
   
   sellout ouzh : kerc'h
    
7. N'eo ket gwellaat a ra ar marc'h pa vez ret e varc'hegezh re alies.
   
    
8. Ar marc'h a-raok a vez laret " Yao " dezhañ.
   
    
9. Ar marc'h a sach a vez hopet warnañ.
   
    
10. Ar marc'h a reud ouzh ar c'hentroù
    A ra gaou bras ouzh e gostoù.
    
     

Marc'had

1. An divizoù a ra ar marc'hadoù.
   
    

Marc'hadourezh

1. Marc'hadourezh pentet
   Hanter werzhet.
   
    

Marc'hata

1. Marc'hata,
   D'un all da vriata.
   
    

Mareaj

1. N'eo ket pa vez tremenet ar mareaj e vez mont da ormela.
   
    

Marteze

1. N'eo ket gant martezeoù
   E vager al leueoù.
   
    
2. Gant martezeoù
   E vez maget al leueoù.
   
    

Marv

1. Pelloc'h e vimp marv eget paour.
   
    
2. Etre marv ha bev e vez ret derc'hel da vont.
   
    

Mat

1. Mat ha buan
   N'int ket unan.
   
    

Matezh

1. Gwell eo bezañ matezh el lec'h ma'z eus peadra
   Evit bezañ mestrez el lec'h ma n'eus netra.
   
    

Menn

1. Bezo du, bezo gwenn
   Pep gavr a gar he menn.
   
    
2. Pa zeu ar mennedigoù da saout
   Ez eus glav da gaout.
   
    

Mennout

1. An neb a venn, hennezh a c'hall
   An neb a c'hall a gas ar gall
   
    

Merc'h

1. Merc'h he mamm eo Katell.
   
   sellout ouzh : mab
    
2. Hevelep mamm, hevelep merc'h.
   
    
3. An truilhoù hag ar merc'hed brav
   A gav fred atav.
   
    
4. Gwelloc'h dimeziñ abred merc'h
   Evit kaout keuz war-lerc'h.
   
    
5. N'eo ket ur seblant vat
   Klevet merc'hed o c'hwistellat.
   
    

Merc'her

1. Da verc'her al Ludu da greisteiz
   E krog ar big d'ober he neizh.
   
    
2. Merc'her meur goude al ludu
   Soubenn an ognon n'eo ket druz.
   
    

Merenn

1. Merenn Mari Meur
   Pa ne vez ket da greisteiz e vez da un eur.
   
    

Mervel

1. Mervel zo ret, dimeziñ n'eo ket.
   
    
2. Alies e varv ar blantenn a-raok ar wezenn.
   
    
3. Ret e vez mervel evit diskouez e vezer bet klañv.
   
    
4. Mervel a vo graet hep bezañ bet amzer da ziskuizhañ!
   
    

Meulerezh

1. E-lec'h ma vez meulerezh
   E vez atav kalz gevierezh.
   
    

Meutad

1. Daouzek meutad
   A ra un troatad.
   
    

Mezh

1. -N'ec'h eus ket a vezh?
   -Ar mez zo e beg ar gwez
   Hag an dud en o fezh.
   
    

Mezv

1. Gwelloc'h bezañ mezv eget bezañ sot: an hini mezv a zivezvo, an hini sot ne zisodo ket.
   
    
2. Ur plac'h vezv n'eo ket mestr d'he zraoù.
   
    

Mignon

1. Digant ur mignon eo gwell kaout dour
   Eget gwin digant un enebour (pe un treitour)
   
    

Milin

1. Pa ra ar vilin un dro-grenn
   E vez yod pe grampouezhenn
   Pa chom ar vilin a-sav
   Ne vez na yod na bara.
   
    

Miliner

1. Miliner gwenn e veg
   A laer ar bleud, a laer an ed,
   Hag o gounit ne ra ket.
   
    
2. N'eus ket hardishoc'h eget roched ur miliner
   Rak bep mintin e pak ul laer.
   
    

Mizioù

1. Genver a garg ar foz
   C'hwevrer he dalc'h kloz.
   
    
2. Miz C'hwevrer a c'hwezh, a c'hwezh,
   Hag a lazh ar voualc'h war he neizh.
   
    
3. Miz C'hwevrer a lak an hanter eus ar pod da virviñ
   Hag an hanter all da skorniñ.
   
    
4. Meurzh gant ur c'hwezhadenn
   A zisec'h ar foz penn-da-benn.
   
    
5. Meurzh da Veurzh: tanioù-gwall, chas klañv ha naered drouk (pa grog miz Meurzh d'ur Meurzh).
   
    
6. Miz Meurzh gant e vorzholioù
   Zo ken gwazh hag an Ankou.
   
    
7. C'hoario Meurzh pezh a garo
   Ur c'hostez eus ar c'hleuz a dommo.
   
    
8. Meuz Meurzh ne vez
   Ma ne vez ket koan ouzh goulou an deiz.
   
    
9. Ebrelig, Ebrelig,
   Digor da zivaskellig!
   
    
10. Ebrel c'harv, porc'hell marv.
    
     
11. Ran a gan a-raok miz Ebrel
    He devez war he fri barroù grizilh da devel.
    
     
12. pe ... A zo gwell dezhi tevel
    Pe e vo troc'het he begel.
    
     
13. Ebrel gant e gontelloù
    A gign ar saout hag al leueoù
    
    sellout ouzh : glav
    sellout ouzh : gwrac'h
     
14. Pa ra glav an deiz kentañ a viz Mae
    E pil ar C'hallaoued o gwragez.
    
     
15. E miz Mae,
    Re a c'hlav bemdez
    Ha re nebeut bep eil deiz.
    
     
16. (E miz Mae) da hanter ar miz
    E tro ar rev e glizh.
    
     
17. Noz ar Wenngaouenn
    Etre Mae ha Mezheven
    
     
18. Pa vez eost ma chom al labourer war e skaoñ
    E varvo an dudjentil gant an naon
    
     
19. Miz Here a lavare dre e feiz
    " N'eus mui banne gwin e Breizh "
    Setu aze ur galonad
    D'an hini er c'hav mat.
    
     
20. Da hanternoz Gouel an Hollsent
    Ez a miz Here en e hent
    Hag e teu miz Du kerkent.
    
     
21. Pa ya miz Here en he hent
    Da hanternoz e vez Gouel an Hollsent.
    
     
22. Miz Kerzu, miz ar gouelioù
    Eo miz ar gwadigennoù.
    
     

Moc'h

1. War-dro ar moc'h
   E vez soroc'h
   
    

Moged

1. Gwell eo moged forn
   Eget avel skorn.
   
    
2. Moged tomm zo gwelloc'h evit avel yen.
   
    
3. Gwelloc'h ar moged evit ar rev
   Ne stag ket kement ouzh ar blev.
   
    

Mont

1. Ar c'hentañ mont (da zimeziñ)
   Ar sklaerañ kont.
   
    

Mor

1. D'ar mor en em denn ar pesked.
   
    
2. El lec'h m'emañ ar mor emañ ar pesked.
   
    

Moualc'h

1. Ar voualc'h beg melen
   A dremen oad an den.
   
   sellout ouzh : oad
   sellout ouzh : ki
    

Mouzhañ

1. An hini a vouzh ouzh e voued
   A lak toull e revr souezhet.