Abred

1. Abred ne goll gwech ebet.
   
    
2. Seul abretoc'h, seul welloc'h (ha Seul gentoc'h ...)
   
    

Aes

1. Aesoc'h eo dimeziñ eget sevel ti.
   
    

Ali

1. Un ali mat zo mat bepred
   Ha pa ve digant ur sot e ve.
   
   sellout ouzh : ruzienn
    
2. Ali ha holen
   A roer d'an hini a c'houlenn
   
    

Aluzen

1. Aluzen diwar aluzen a laka ar paour pinvidik.
   
    
2. Aluzen diwar aluzen a gas d'ar baradoz.
   
    

Amann

1. N'eus ket tu da dennañ amann eus gouzoug ur c'hi.
   
    
2. Pa vez aet an amann e gouzoug ar c'hi e vezer war-lerc'h.
   
    

Amezeg

1. Gwelloc'h un amezeg a dost eget ur c'har a-bell.
   
    

Ami

1. An amied zo an amied, hag an amiod zo un amiod.
   
    

Amzer 1 (an amzer a dremen)

1. An amzer a dremen
   Hag an amzer ne dremeno biken.
   
    
2. Gant hir amzer
   A-benn eus pep tra e teuer.
   
    
3. Gant amzer en em gav taouledet
   Avaloù ha pennoù kalet.
   
    
4. Gant kolo hag amzer
   E teu da eogiñ ar mesper.
   
    
5. Gant pasianted hag amzer
   E veura ar mesper.
   
    
6. Gant pasianted ha hir amzer
   E vez graet meur a dra.
   
   sellout ouzh : pasianted
   sellout ouzh : poan
    
7. Meur a amzer (pe div, teir a.) en devez an den
   Ne vezont ket heñvel an eil ouzh eben.
   
    
8. Pep tra a dremen gant an amzer.
   
    
9. Tremen ( pe: dont) a ra an amzer
   Hag ar vuhez a ziverr.
   
    
10. An eil amzer a vev an all.
    
     
11. An amzer a dro
    An Ankou a sko
    
     

Amzer 2 (an amzer a ra)

1. Ruz pa guzh, melen (pe: gwenn) pa sav
   Sur amzer vrav.
   
   sellout ouzh : heol
   sellout ouzh : glav
    
2. Ruzder diouzh an noz
   Amzer vrav antronoz.
   
    
3. Doue en deus roet hag a roio
   Amzer vrav da neb a c'hortozo.
   
    
4. An eil amzer goude eben
   An hini domm goude an hini yen.
   
    

Ankou

1. An Ankou ne vez tamallet mann ebet dezhañ.
   
    
2. Etre Pempoull ha Lokemo
   Emañ gwele an Ankou.
   
    

Aotrou

1. An hini n'eo ket un aotrou en e vro
   N'en deus nemet mont d'ur vro all hag e vo.
   
    

Aour

1. Ouzhpenn an aour a lufr.
   
    

Arabadus

1. Kaoz an arabadus
   A zo hir ha padus.
   
   sellout ouzh : gwirionez
    

Arabat

1. Arabat lakaat peñsel burell ouzh limestra.
   
    

Arat

1. Arit a-dreuz, arit a-hed,
   Temzit ervat hag ho po ed.
   
   sellout ouzh : labour
    
2. A-raok arat e ranker freuzañ.
   
    

Arboellañ

1. Arboellañ pa garer
   'Benn antronoz e kaver.
   
   sellout ouzh : elbediñ
    

Arc'hant

1. An hini en deus arc'hant hag a ro
   En deus mignoned e pep bro
   An hini en deus arc'hant ha ne ro ket
   N'en deus mignon ebet.
   
    
2. An arc'hant zo berr o lost.
   
    
3. Trouz arc'hant ha c'hwezh vat
   Ne reont na yalc'h na kofad.
   
   sellout ouzh : c'hwezh
    
4. Arc'hant douget n'int ket arc'hant dispignet.
   
    
5. An arc'hant danzeet fall a ya da fall.
   
    
6. An arc'hant deuet a-berzh fall ne zeuont ket da bennvat.
   
    

Artizan

1. Artizan
   Aet e ard e tizan.
   
    

Askorn

1. An hini a zalc'ho an askorn
   A yelo ar c'hi war lerc'h e zorn.
   
    
2. Diaesoc'h eo kac'hat eskern eget debriñ kig.
   
    
3. N'eo ket gant eskern
   E taper al lern.
   
    

Aval

1. Avaloù poazh,
   Piv en do c'hoazh?
   
    

A van da van

1. A van da van
   E ya merenn da goan.
   
    
2. A van da van
   E vez graet e vragoù da Yann.
   
   sellout ouzh : tamm
    

Avel

1. C'hwezhet an avel e-lec'h ma karo
   Pa ra glav e c'hleb atav.
   
    
2. Pa vez an avel a du e vez gwentat.
   
    
3. Pa'z eus avel eo gwentañ zo d'ober.
   
    
4. Avel diwar ar Faou
   Morse ne lavar gaou.
   
    
5. N'eus forzh pegen gwaskedet e vez an ti
   Ec'h arru avel tro pe dro.
   
    
6. An avel en he biz (pe: Leizh an tog avel viz...)
   A rofe glav e-pad ur miz.
   
    
7. Pa vez an avel er gevred
   E sav c'hoant c'hoari d'ar merc'hed
   
   sellout ouzh : kozh
    

A-walc'h

1. N'eo ket a-walc'h ... staotat er piñsin
   Ha mont er-maez da c'hoarzhin
   
    
2. N'eo ket a-walc'h dañsal, ret eo paeañ ar soner.
   
    
3. N'eo ket a-walc'h se eo se
   Na d'ar vuoc'h da zenañ al leue.
   
    

Azen

1. Azen dre natur
   Ha n'eo ket evit (pe : ne oar ket) lenn e skritur.
   
    
2. An hini a lavar e oar pep tra
   A ziskouez eo an azenañ.