Rannañ

1. Ret eo rannañ fav gant unan bennak
   Evit e anaout ervat.
   
    

Rastell

1. Goude ar rastell e teu ar forc'h.
   
    

Re

1. Etre re ha re nebeut emañ ar muzul mat.
   
    
2. Ker gwazh re ha re nebeut.
   
    

Reiñ

1. Gwell eo reiñ eget aloubiñ (= kemer dre nerzh).
   
    
2. Reiñ d'ar paour aluzon alies
   Ne ziverras biskoazh an danvez.
   
    
3. Roerig, kaverig.
   
    

Remm

1. Remm,
   Debriñ boued ha klemm.
   
    

Ret

1. Ouzh ret
   N'eus ket a remed.
   
    
2. Ouzh red n'eus harz ebet.
   
    
3. Ret e vez neuiñ
   Pe veuziñ.
   
    
4. Añduriñ zo ret
   Met karout n'eo ket.
   
    
5. Mervel zo ret
   Dimeziñ n'eo ket.
   
    
6. Ret-mat e vez d'an den
   Klask an tommder pa vez yen.
   
    

Rev

1. Rev war gresk ( = kresk-loar)
   Amzer gaer, amzer fresk
   Rev war ziskar
   Glav hep mar.
   
    

Rod

1. Rodig a dro a red ( pe a ra) bro.
   
    
2. En un tu bennak emañ atav ar rod o treiñ.
   
    

Ruzienn (ruzell)

1. Ruzienn veure hag ali gwreg
   Gwech 'vezont mat gwech ne vezont ket.
   
    

Sachañ

1. Sach! (pe dalc'h!) ha me gigno!
   An hanter eus ar c'hroc'hen (pe an hanter-groc'hen) az po.
   
    
2. A-sach hag a-vout (pe dre sach ha dre vout...)
   E vez graet an traoù tout.
   
    

Sac'h

1. Ur sac'h goullo ne chom ket en e sav.
   
    
2. Ken fall (pe (ken laer) eo an hini a zalc'h ar sac'h
   Evel an hini a lak e-barzh.
   
   sellout ouzh : manac'h
    

Salud

1. Salud d'an dud
   D'ar re vras ha d'ar re vunut.
   
    

Sant

1. Kenavo d'ar sant pa vez graet ar mirakl.
   
    
2. Ne servij ket
   Pediñ ar sant pa ne glev ket.
   
    
3. Hemañ zo evel Sant Tomaz
   Diwezhañ den a gredas.
   
    

Saout

1. Diouzh an aez
   Eo kas ar saout er-maez.
   
    
2. Roit d'ar saout boued fraezh (= yac'hus)
   Hag e savo dienn war al laezh.
   
   sellout ouzh : buoc'h
    
3. Ar saout a zebr lann
   A vez druz o amann.
   
    

Saoz

1. Saozon
   Er-maez eus Iwerzhon!
   
    

Sentiñ

1. An hini na sent ket a sant.
   
    
2. Ar vag ne sent ket ouzh ar stur
   Ouzh ar garreg a ray sur.
   
    

Serriñ

1. Goude ar serrer e teu an diserrer.
   
    

Seul

1. Seul vui seul vuioc'h.
   
    
2. Seul vui, seul c'hoazh.
   
    
3. Seul vui e vez sec'hed, seul vui e vez evet
   Seul vui e vez evet seul vui e vez sec'hed.
   
    
4. Seul dostoc'h, seul dommoc'h,
   Ha seul nebeutoc'h a blas.
   
    
5. Seul goshoc'h seul sotoc'h.
   
    
6. Seul gent ez eer en hent ha seul gent e tegouezher.
   
   sellout ouzh : glav
    

Si

1. Pep den en deus ur si
   An hini n'en deus ket daou en deus tri.
   
    
2. Ur si ne vez ket aezet da goll.
   
    

Siminal

1. Dibaot siminal a voged
   Hep na ve tan en oaled.
   
    

Skav

1. Lec'h ma vez skav
   E vez dour-sav.
   
    

Skeiñ

1. Ret eo skeiñ war an tomm pa vez ruz an houarn.
   
    
2. Ret eo skeiñ war an houarn keit ha ma vez tomm.
   
    

Skiant

1. Gwelloc'h skiant eget arc'hant.
   
    
2. Hennezh en deus skiant prenañ
   Eus ar seurt a vez da werzhañ.
   
    
3. Gwellañ skiant, skiant prenet.
   Prenet diwar ma c'houst, ha n'eo ket diwar goust ar re all!
   
    

Skouarn

1. Skouarn dehou
   Gwall geloù
   Skouarn gle(iz)
   Keloù nevez.
   
    
2. Pa voud ar skouarn gleiz
   Meuleudioù a-leizh
   Pa voud ar skouarn dehou
   Meuleudioù hebiou.
   
    

Skouer

1. Skouer vat
   A zoug bepred had.
   
    

Skoulm

1. Ur skoulm graet gant an teod ne vez diliammet gant an dent.
   
    

Skuizh, skuizhañ

1. Skuishoc'h e vezer o tankeal (= monedone)
   Eget o kerzhet.
   
    
2. Kentoc'h e skuizh ar freilh eget al leur.
   
    

Soner

1. Ar soner war e varrikenn
   A ra d'ar yaouankiz breskenn.
   
    

Soñjal

1. C'hwi a soñj deoc'h
   E oa ho mamm a oa tad deoc'h?
   
    

Sot

1. Neb zo sot yaouank-flamm
   Evit koshaat ne fura tamm.
   
    
2. Pep hini a vez sot gant e damm loened.
   
    
3. An hini zo sot hag a oar
   A zisod pa gar
   
    
4. Te zo sot ha me zo fin
   Te 'evo dour, me 'evo gwin.
   
    
5. Te zo sot
   Pa n'anavezez ket krampouezh diouzh yod.
   
    
6. Kement-se zo evit lakaat ar sod da gomz hag ar fur da devel.
   
    

Soubenn

1. Evit ober soubenn vat
   E vez ret lezel ar c'haol da poac'hat (= poazhañ).
   
    
2. Soubenn an tri zra: dour, holen ha bara.
   pe: Soubenn an tri zraig: dour, holen ha baraig.
   
    
3. Soubenn al laezh pa vez re sall
   A lavar an dud zo ur meuz fall.
   
    

Stourm

1. Hep stourm ne vezer ket trec'h.
   
    

Strakal

1. Kement a strak
   Ne dorr ket krak.
   
    
2. Ober strakal e skourjezig
   Ne zastum ket kezeg spontik.
   
    

Sul

1. Da Sul ar C'hazimodo
   E vez torret ar c'hozh podoù.
   
    
2. Da Sul ar Beuz
   E teu an naer eus ar c'hleuz.
   
    
3. Deiz Sul ar Bleunioù
   E tispak an naered eus ar c'hleuzioù.
   
    

Sur

1. Gwelloc'h bezañ sur evit bezañ war var.
   
    

Sutal

1. An hini a sut diouzh an noz
   A vo sot pa vo kozh.
   
   sellout ouzh : c'hwitellat
    
2. Ne dalv ket ar boan sutal
   Pa ne fell ket d'ar marc'h staotal.