Chañs

1. Biskoazh chañs vat n'eus bet
   O karet ar merc'hed.
   
    
2. A-viskoazh ez eus bet lavaret
   N'eus chañs vat ebet o karet ar merc'hed.
   
    

Chistr

1. Hemañ zo chistr pemzek
   Pevarzek o kerc'hat dour
   Hag unan oc'h ober chistr.
   
    
2. Pa wel an delioù a-raok ar bleuñv
   An ever chistr en devez keuz.
   
    

Chom

1. Gwelloc'h chom hep bezañ ganet
   Eget chom hep bezañ desket.
   
    

C'hoant

1. N'eo ket ur c'hement c'hoantaat (pe c'hoant) ha kaout.
   
    
2. Etre daou-ugent ha hanter-kant
   Ar brasañ c'hoant.
   
    
3. Mant ( = bent)
   A degas c'hoant.
   
    
4. Gant ar c'hoant dimeziñ e reer tro ar bed
   Gant ar c'hoant kac'hat ne reer ket.
   
    
5. C'hoant dimeziñ ha bevañ pell
   En deus pep Yann ha pep Katell
   
    

C'hoari

1. Goude ar c'hoari e teu an dic'hoari.
   
    
2. Pep hini zo libr
   Da c'hoari gant e filip.
   
    

C'hoarzhin

1. Pa c'hoarzh an den re
   E ouel goude se.
   
    
2. Goude c'hoarzhin e teu gouelañ
   Goude c'hoari huanadañ.
   
    

C'hwen

1. Ur c'hwenenn en un noz
   A vez nav gwech mamm-gozh.
   
    

C'hwezh

1. Pa'z eus c'hwezh vat
   Ez eus traoù mat.
   
    
2. Gwelloc'h c'hwezh vat evit trouz arc'hant.
   
    
3. An hini a sant ar c'hwezh
   Eus e revr e kouezh
   
    
4. C'hwezh an tin hag al lavand
   Zo gant ar merc'hed yaouank
   C'hwezh ar banal mogedet
   Gant ar merc'hed dimezet.
   
    

C'hwibu

1. C'hwibu da Nedeleg, erc'h da Bask.
   
    

C'hwitellat

1. Pa vez ar merc'hed o c'hwitellat
   Ar Werc'hez a bleg he fenn dalc'hmat.
   
    

Dañvad

1. Mar da an deñved da saout
   Ez eus glav da gaout.
   
    
2. Mar grit ho tañvad e viot touzet.
   
    
3. Gra da zañvad hag e vi touzet.
   
   sellout ouzh : menn
   sellout ouzh : oan
    

Danvez

1. An danvez dastumet gant ar rastell
   A yelo buan gant an avel.
   
    

Debriñ

1. An hini a zebr stripoù
   A zebr kaoc'h a-wechoù.
   
   sellout ouzh : yar
    
2. An neb a zebr an diaoul
   A zle debriñ e gernioù.
   
    
3. Debrit hag evit ha grit cher vat
   Gwelloc'h eo kalon evit mad.
   
    
4. An hini zo akuit da zebriñ a zo akuit da labourat.
   
    

Debron

1. Debron fri, c'hoant dimeziñ.
   
    

Derc'hel

1. O terc'hel stenn
   E vez kaset an traoù da benn.
   
   sellout ouzh : sachañ
    

Deskiñ

1. Gwelloc'h deskiñ mabig bihan (pe bugel)
   Eget dastum (pe reiñ) madoù dezhañ.
   
   sellout ouzh : amezeg
   sellout ouzh : karantez
    

Diaoul

1. An diaoul zo paotr mat pa vez graet e did dezhañ.
   
    
2. E-lec'h ma 'z a diaouloù kozh da gac'hat
   Ar re yaouank a ya ivez.
   
    
3. Burtuled
   E-lec'h ma oa marvet an diaoul gant an anoued.
   
    

Diavaez

1. An diavaez
   Ne ra ket an dalvoudegezh.
   
    

Digarez

1. N'eo ket digarez
   A vank da zidalvez.
   
    

Dilhad

1. Gant dilhad tomm ha bevañs mat
   Pep miz goañv zo dereat.
   
    

Dillo

1. Bezit dillooc'h eget al laouenn-dar
   A oa bet seizh vloaz o treuziñ an hent-karr.
   
    
2. Etre Plougastel hag ar Faou
   Ez eus bremañ un hent dillaou ( = dillo).
   
    

Disfiziout

1. Disfiziout ouzh souchet
   O soñjal e ve kousket.
   
   sellout ouzh : fiziout
    

Disleviñ-gen

1. An disleviñ-gen
   A ya eus ur genou d'eben (e-lec'h egile).
   
    

Diskenn

1. N'heller ket diskenn div wech hep krapat ur wech.
   
    

Diwezhañ

1. An hini diwezhañ, pa vezer o terchal, a dap ar vourlenn diaesañ.
   
    

Diwezhat

1. Diwezhat eo prenañ keuneud
   Pa vezer o c'hwezhañ war ar bizied.
   
    

Dle

1. Kalz a dle a van da baeañ.
   
    
2. Aezetoc'h eo paeañ dle eget dastum arc'hant.
   
    

Dogan

1. Dogan kontant pa oar,
   A ya d'ar baradoz raktal
   Dogan kontant pa ne oar ket,
   A ya d'ar baradoz d'ar red.
   
    

Dorn, daouarn

1. Skoed em dorn a dalv din-me
   Muioc'h eget daou o vale.
   
    
2. Daouarn tomm ha kalon yen
   A ra goap ouzh meur a zen.
   
    

Douar

1. An douar n'eo ket kozh ha sot.
   (pe: Kozh eo an douar, sot n'eo ket)
   
    
2. An douar zo re gozh evit ober goap anezhañ.
   
    

Doue

1. Doue, p'en deus roet ar baradoz, n'hall ket ober ken.
   
    
2. Doue n'hall reiñ nemet e varadoz.
   
    
3. Tri zra n'hall ket an Aotrou Doue ober:
   Diveinañ Berrien (pe kompezañ Brazparzh)
   Diradeniñ Plouie
   Ha dic'hastañ Poullaouen
   
    
4. -Ma Doue!
   -Ha Doue ar re all ivez
   Nemet doueoù-plouz a ve dit-te (pe a rafes anezhe).
   
    
5. -Ma Doue benniget!
   -Pebezh torrad filiped!
   Triwech vi am boa laket
   Ha naontek filip am eus bet.
   
    
6. -Ma Doue benniget
   Leun e revr a doulloù preñved
   
    
7. -Ma Doue, koulskoude!
   -Nag a boan e-barzh ar vuhez!
   -Ha c'hoazh mervel goude!
   -Ha bezañ daonet c'hoazh marteze.
   
    

Doujañ, doujañs

1. An neb a zouj a gar.
   
    
2. Den a galon zo doujet.
   
    
3. En doujañs emañ ar garantez.
   
    
4. Doujañs zo e-barzh ar garantez. id
   
    

Dour

1. N'eo ket gant dour sklaer e vez graet moc'h lart.
   
    
2. N'eus nemet ur banne dour.
   Etre naet ha loudour (= lous)
   
    
3. Diwar an dour-red
   Gwall ebet
   Diwar an dour-skoilh
   Gwall d'an holl.
   
    
4. An dour red
   Ne ra droug da zen ebet.
   
    
5. Kenkoulz e lazh an dour hañvouezh an tan evel an dour sklaer.
   
    

Draen

1. Un draen-fuilh a zo en ti
   Ma'z eus kegel o komandiñ.
   
    
2. E-touez ar muiañ drein
   Ar gaerañ rozenn.
   
    

Dred

1. Pezh a ra d'an dridi bezañ treut:
   Kalz emaint war nebeud.
   
    

Drevezañ

1. Neb a zrevez ar re gozh
   Ne daio ket d'ar Baradoz.
   
   sellout ouzh : goap
    

Droug

1. N'eus droug ebet ne raje ket ur vad bennak.
   
    
2. Diouzh an droug eo digoll.