Gad

1. Gad diwar c'had
   Biken ne rat.
   
    
2. Gwell eo ur c'had tapet evit div o redek.
   
    
3. Ar c'had zo da neb he fak.
   
    
4. N'eo ket gant an taboulin e vez paket ar c'had.
   
    

Gallout

1. N'haller ket bezañ ha bezañ bet.
   
    
2. Bez e c'heller bezañ ha bezañ bet
   Met padout atav n'heller ket.
   
    
3. N'haller ket bezañ war un dro er forn hag er vilin.
   
    

Gaou

1. Ur gaou livet mat zo hañval ouzh ar wirionez.
   
   sellout ouzh : heñvel
    

Garlantez

1. Evel ur c'harlantez a bompad
   War un alar oc'h arat.
   
    

Gavr

1. E-lec'h ma vez staget ar c'havr e rank peuriñ (... ha peuriñ pe euzhiñ)
   
    
2. Na pa vez triwec'h gavr en ur vandenn
   Ar bouc'h eo ar c'habiten.
   
    
3. D'ar beure eo goro ar c'havr
   Evit ober soubenn d'an noz.
   
    
4. Evel ma'z omp ez omp, da lavaras gavr ar Bonieg.
   
   sellout ouzh : menn
    

Ger

1. Gwelloc'h ur ger tavet
   Eget daou lavaret.
   
    

Glaouer

1. Ar glaouer er c'hoadoù
   Evel ar bleiz a yud atav.
   
    

Glav

1. Glav da Sul, glav da Lun,
   Ha glav e-pad ar sizhun.
   
    
2. Glav da greisteiz
   Ha glav e-pad an deiz.
   
    
3. Seul greñvoc'h e vez ar glav
   Seul gentoc'h a se e tav.
   
    
4. Melen pa guzh
   Ruz pa sav
   Sur da vezañ glav.
   
    

Glizh

1. Glizh! Glizh!
   E tavo pa vo skuizh!
   
    

Gloazañ

1. Gwelloc'h eo gloazañ daou eget lazhañ unan.
   
    

Goap

1. Neb a ra goap
   Ouzh e revr e stag.
   
    
2. Ar bugel a ra goap ouzh ar re gozh
   Ne daio ket d'ar baradoz
   
    

Gortoz

1. Gortoz pell
   Gortoz gwell.
   
    
2. Gortoz hir, gortoz mat
   Pa zeu an taol da vat.
   
    
3. Da c'hortoz ar geot da sevel e varv kalz a saout gant an naon.
   
    
4. Gortozit an noz evit lavarout eo bet kaer an deiz.
   
    

Gouel

1. Deiz Gouel Yann
   A rann an deiz (pe ar bloaz) e daou damm.
   
    

Gouenn

1. D'ar ouenn e tenn.
   
    
2. Ar ouenn a denn:
   Diwar gi ne vez ket kazh
   Diwar logod ne vez ket razh.
   
   sellout ouzh : ki
    

Goulou

1. Goulou zo gwelloc'h evit daoulagad.
   
    

Gouzañv

1. Ret eo gouzañv da gaout skiant
   Ha labourat da gaout arc'hant.
   
    

Gouzout

1. An neb na oar ket a gavo da zeskiñ.
   
    
2. Ne oar na bu na ba
   Na sou na dic'ha
   Ne oar nemet evañ laezh
   Ha dibriñ yod d'hel lakaat er-maez.
   
    

Gwall

1. Pa 'z eo erruet ar gwall
   Eo gwell bezañ born eget bezañ dall.
   
    

Gwareg ar glav

1. Gwareg-ar-glav diouzh ar beure
   Ken brav amzer kent ha goude.
   
   sellout ouzh : kanevedenn
    

Gwaz

1. Gwelloc'h ur gwaz garv
   Evit ur gwaz marv.
   
    
2. Gwaz mezvier ha gwreg a c'hoari
   A skarzh prest an arc'hant eus an ti.
   
    

Gwech

1. Ur wech da welet
   N'eo ket pec'hed.
   
    
2. Ur wech ar miz
   Kement ha derc'hel ar c'hiz.
   
    

Gwechall

1. Gwechall diouzh gwechall, hag hiziv diouzh hiziv.
   
    
2. Evel se e oa gwechall:
   An hini n'en doa ket daoulagad a oa dall.
   Evel se emañ bepred:
   An hini zo dall ne wel ket.
   
    

Gwelien

1. Mar plegez da vezañ gwelien e vi lonket gant ar moc'h.
   
    

Gwell (gwelloc'h)

1. Ar c'hentañ ar gwellañ.
   
    
2. Gwell eo kenderc'hel eget difelc'hel.
   
   sellout ouzh : karantez
   sellout ouzh : mezv
    
3. Gwelloc'h distreiñ diwar hanter hent eget ober gwall veaj.
   
    
4. Gwelloc'h eo plegañ evit terriñ.
   
    

Gwelout

1. Gwelomp, eme an dall
   Pa'n devoa kollet e vazh ha kavet un all.
   
    

Gwener

1. Devezh Gwener, devezh peñver.
   
    

Gwenneg

1. A wenneien, a wenneien
   E vez graet skoejeien (= skoedoù).
   
    

Gwez

1. N'hall ket ar wezenn kaout bleuñv hag avaloù.
   
    

Gwin

1. Neb a gar re ar gwin
   A ev dour a-benn ar fin
   
    
2. Muioc'h a dud a lazh ar gwin
   Eget na bare ar medisin
   
    
3. Neb zo re vignon d'ar gwin mat
   Zo enebour da vab e dad.
   
    

Gwirionez

1. Ar wirionez zo kazus (pe: kasaus)
   An hini he lavar zo arabadus.
   
    
2. Etre bourd (pe c'hoari) ha fars
   E vez lavaret ar wirionez da galz.
   
    
3. Arabat eo krediñ kement tra a glever
   Dibaot ar wirionez ha stank ar gevier.
   
    

Gwiskañ

1. An hini a wisk e sulieg d'ar pemdez
   Birviken met paour ne vez.
   
    

Gwiz

1. Teir sizhun, tri deiz, ha tri miz
   E vez he ferc'hell gant ar wiz.
   
    
2. Tri miz krenn
   E vez ar moc'h bihan gant ar wiz wenn.
   
    

Gwrac'h

1. Gwrac'h klemmus
   Gwrac'h padus.
   
    
2. Ken alies gwrac'h, ken alies a geusteur.
   
    
3. An deiz kentañ a viz Ebrel
   E vez tapet ar wrac'h er c'hevell.
   
    

Gwreg

1. Neb a lazh e wreg a ra un dra:
   Erbediñ he bara a ra.
   
    
2. Ar wreg, an arc'hant hag ar gwin
   O deus o mad hag o binim.
   
    

Hent

1. Dibaot hent kaer na vez meinek
   Ha gwenodenn na vez dreinek.
   
    

Heñvel

1. Heñvel war wir a sav ken aes
   Ha ma ra dienn war al laezh.
   
    

Heol

1. Pa zeuy an heol da darzhañ
   E ray d'ar glav karzhañ.
   
    

Hir

1. Bezet hir pe bezet berr
   E-barzh ar c'hreiz emañ an hanter.
   
    
2. Hirañ amzer, aesañ labour.
   
    

Houl

1. Bloavezhioù houl, bloavezhioù pesked.
   
    

Ijin

1. Gwelloc'h ijin eget nerzh
   Zo bet klevet eus meur a berzh.