|
|
| Abaoe 1995 | Brezhoneg · Français · English · Español · Deutsch |
 |
|
|
|
|  |
Gwenael, 2002-01-08 11:23:31 N'ouzon ket ha merzet ho peus an dra-mañ: e brezhoneg eo ar bilhedoù nevez! Gouzout a ran, gresianeg zo ivez warne met 5 euro, 10 euro, h.a. n'eo na galleg, na saozneg, na spagnoleg. Brezhoneg eo, pa lavaran deoc'h. E peseurt yezh all eus an Unvaniezh e lezer "euro" hep lakat merk al liester war-lerc'h un niverenn ? E galleg pe e spagnoleg e rankfed skrivañ 5 euros. Ur bazenn vras war-raok evit hor yezh! A wir galon. Gwenael E. Re: Bilhedoù ? e brezhoneg! Frañsoaz Lermen, 2002-01-08 12:35:13 Spi am eus ne viot ket re zisouezhet met en alamaneg hag en italianeg e vez skrivet ivez 5 Euro, 10 Euro h.a. hep merk al liester :-( N'eo ket avat abalamour d'an niverenn rak ar ger "Mark" ne vez ket lakaet el liester kennebeut. Lavaret e vez, da skouer, "viele Mark" hag ivez 5 Mark, 10 Mark. En italianeg ne vez ket kemeret merk al liester gant ar gerioù a orin estren. Setu perak e vez skrivet 5 Euro, 10 Euro, daoust ma vez skrivet 1 Lira, 5 Lire, 10 Lire. A galon FL Re: Bilhedoù ? e brezhoneg! Gwenael, 2002-01-10 23:02:35 Perak e vefe italianeg pe alamaneg war an euroioù am eus bet amañ e Breizh-Izel? N'eo ket sirius! Brezhoneg eo, pa lavaran deoc'h! ;-) P'emaon ganti, petra ' vez graet gant hor cheneiled a Gembre? Evit Europa e lavaront Ewrop pe Ewrob. 1€ = 1 ewro neuze? E rusianeg e lavarer "eвро". A wir galon. Gwenael | |
|
|
|