|
|
| Abaoe 1995 | Brezhoneg · Français · English · Español · Deutsch |
 |
|
|
|
|  |
Gwenael E., 2002-09-04 21:39:04 E brezhoneg e reer Santoz eus ar vourc'h vihan-se nepell eus ar C'hastell Nevez (eno e vevas lod eus ma hendadoù). Saint-Thois eo ent-ofisiel. En eñvorennoù Reun ar C'halan (Al Liamm, niv. an hañv) em eus kavet ar stumm Sant-Toz. Klask a ran gouzout hag-eñ e ranker gwelet ur sant bennak en anv ar barrez-se, pe Toz e vefe pe un all. Trugarez en a-raok. A wir galon. Gwenael Emelyanoff Re: Santoz Kemo, 2002-09-04 21:55:41 Pouezmouezhiet e vez an anv war "San". Ma vefe bet un anv sant an eil tamm e vije bet war *toz. Moarvat eo un anv evel "Santeg", da lavaret eo un anv diazezet war "sant" gant un dibenn bennak. Re: Santoz Alan.M, 2002-09-05 09:10:29 Din da c'houzout (lennet em eus kement-se e-barzh tezenn veur Erwan Vallerie diwar-benn anvioù-parrez Breizh, met ret e vo din gwiriañ) e vefe "Santoz" un distresadur eus ar ger latinek "sanctus". Klotañ a rafe gant ar pezh a skriv Kemo a-fet distagadur. E gwir n'eus sant anavezet ebet dindan an anv "Toz" pe "Thois". A galon Alan Re: Santoz Alan.M, 2002-09-06 12:15:23 Bet on bet o wiriañ e-barzh levr Vallerie. "Santoz" a oa "sanctus" en XIvet kantvet. Netra da welet neuze gant ur sant anvet "Toz". Evel pa ne vefe ket a-walc'h a "sent" e Breizh ! N'ouzon ket war gont piv emañ an iskisadenn-se da vezañ lakaet. "Toz" ne vefe ket e-unan evel sant patron "kerneblec'h" pa gaver "Saint-Nolff" e bro-wened, parrez dezhi da anv brezhonek "Senolf". A galon Alan | |
|
|
|